गोरखपुर विश्वविद्यालय में डीडीयू में 27 जून से आठ जुलाई तक होई प्रवेश परीक्षा

दीनदयाल उपाध्याय गोरखपुर विश्वविद्यालय में सत्र 2024-25 में स्नातक-परास्नातक में प्रवेश खातिर परीक्षा 27 जून से आठ जुलाई तक आयोजित होई। विश्वविद्यालय एकरा खातिर समय सारणी जारी कs देले बा। 22 जून के सांझ छव बजे से अभ्यर्थी प्रवेश पत्र डाउनलोड कs सकी लो। शोध पात्रता परीक्षा खातिर तिथि अगिला हफ्ता जारी होई।

एडमिशन सेल के निदेशक प्रो. हर्ष सिन्हा बतवलें कि प्रवेश परीक्षा के आयोजन दु पालियन में कइल जाई। पहिला पाली सबेरे नौ से 11 बजे तक आ दूसरका पाली दुपहरिया तीन से पांच बजे तक आयोजित होई। सब प्रवेश परीक्षा विश्वविद्यालय परिसर में संपन्न होई। एकरा खातिर मुख्य परिसर में नौ आ महाराणा प्रताप परिसर में दुगो केंद्र बनावल गइल बा। अभ्यर्थी विश्वविद्यालय के प्रवेश पोर्टल dduguadmission.in पs जाके 22 जून के सांझ छव बजे से प्रवेश पत्र डाउनलोड कs सकी लो।

कुलपति प्रो. पूनम बतवली कि परीक्षा के बेवस्थित आ शुचितापूर्ण आयोजन खातिर निरदेस दिहल गइल बा। प्रवेश परीक्षा के माध्यम से सर्वश्रेष्ठ प्रतिभा के इहां अध्ययन खातिर आमंत्रित कइल हमनी के चाहत बा।

• 27 जून बीकॉम ऑनर्स एमकॉम, एमए मनोविज्ञान
• 28 जून बीसीए एमए (विजुअल आर्ट्स, इतिहास), एमएससी (भौतिकी, वनस्पति विज्ञान)
• 29 जून बीएससी ऑनर्स (गृह विज्ञान, बायो ग्रुप) एमएससी कृषि
• 30 जून बीए ऑनर्स एलएलबी
• 1 जुलाई एमए (प्राचीन इतिहास, शिक्षा शास्त्र बीबीए, एमबीए गृह विज्ञान, शारीरिक शिक्षा) एमए/एमएससी गणित, एमएससी गृह विज्ञान
• 2 जुलाई बीएससी ऑनर्स (गृह विज्ञान, मैथ्स ग्रुप) एमए राजनीति विज्ञान, बीएजेएमसी, एमएससी इलेक्ट्रॉनिक्स, पीजी डिप्लोमा इन गाइडेंस एंड काउंसिलिंग
• 3 जुलाई बीएएलएलबी ऑनर्स बीएससी एमएलटी/बीपीटी, एमएससी माइक्रोबायोलॉजी
• 4 जुलाई एमएससी (जूलॉजी, एक्वाकल्चर) एमए समाजशास्त्र
• 5 जुलाई बीटेक, एमए भूगोल बीएचएमसीटी, एमए हिंदी, एमएससी (रसायन विज्ञान, औद्योगिक रसायन विज्ञान)
• 6 जुलाई एलएलएम एमए अंग्रेजी
• 7 जुलाई बीएससी कृषि ऑनर्स एमएससी बायोटेक्नोलॉजी, बायो इंफॉर्मेटिक्स, प्लांट बायोटेक्नोलॉजी, बीकॉम बैंकिंग एंड इंश्योरेंस ऑनर्स
• 8 जुलाई एमएड पेपर 1 एमएड पेपर 2