DDU Holiday: गोरखपुर विश्वविद्यालय जारी कइलस वर्ष-2025 के छुट्टियन के सूची
दीनदयाल उपाध्याय गोरखपुर विश्वविद्यालय (डीडीयू) साल 2025 के छुट्टी के सूची जारी कईले बा। विश्वविद्यालय प्रशासन के मुताबिक शैक्षणिक सत्र के सुचारू रूप से संचालन अवुरी छात्र के ध्यान में राखत एकरा के तैयार कईल गईल बा। एह साल विश्वविद्यालय में कुल 24 दिन के सार्वजनिक छुट्टी होखी. मकर संक्रांति, मेला सैयद सलार अवुरी छठ पूजा के मौका पs स्थानीय छुट्टी होई। 30 दिन के प्रतिबंधित अवकाश सूची भी जारी कईल गईल बा, हर शिक्षक चाहे कर्मचारी अपना इच्छा के मुताबिक दु दिन के छुट्टी ले सकतारे।
एकरा अलावे गुरु गोविंद सिंह जयंती अवुरी गुरु तेग बहादुर शहादत पs छुट्टी होई। हर महीना के दूसरा शनिचर के ऑफिस के छुट्टी होई, हालांकि एs दिन भी पढ़ावे के काम जारी रही। शिक्षण सहायता में लागल कर्मचारियन के क्षतिपूर्ति अवकाश दिहल जाई. विश्वविद्यालय प्रशासन साफ कईले बा कि इs छुट्टी के सूची संबंधित सभ विभाग, कॉलेज अवुरी छात्र खातीर समय प्रबंधन में सहायक होई।
अवकाश विवरण-
सार्वजनिक अवकाश
साल 2025 में 24 दिन के सार्वजनिक छुट्टी तय कईल गईल बा, जवना में प्रमुख त्योहार अवुरी राष्ट्रीय अवकाश शामिल बा। एह में प्रमुख छुट्टी सभ जइसे कि गणतंत्र दिवस (26 जनवरी), होली (13–14 मार्च), दिवाली (20 अक्टूबर), आ क्रिसमस (25 दिसंबर) सामिल बा.
स्थानीय अवकाश
तीन दिन के स्थानीय छुट्टी तय बा, जवना में मकर संक्रांति (14 जनवरी), मेला सैयद सलार (19 मई), अवुरी छठ पूजा (29 अक्टूबर) शामिल बा।
निर्बन्धित अवकाश
30 दिन के प्रतिबंधित अवकाश सूची जारी कईल गईल बा, जवना में से हर शिक्षक/कर्मचारी अपना इच्छा के मुताबिक 2 दिन के छुट्टी ले सकतारे।
विशेष कार्यकारी आदेश
गुरु गोविंद सिंह जयंती (8 जनवरी) आ गुरु तेग बहादुर शहीद दिवस (24 नवंबर) के भी छुट्टी के रूप में शामिल कइल गइल बा।एकरा संगे हर महीना के दूसरा शनिचर के ऑफिस के छुट्टी होई। हालांकि शैक्षणिक काम जारी रही, आ शिक्षण सहायता में लागल कर्मचारियन के क्षतिपूर्ति अवकाश देबे के पड़ी.
कुलपति प्रो. पूनम टंडन योजनाबद्ध तरीका से सार्वजनिक अवकाश, स्थानीय अवकाश आ प्रतिबंधित छुट्टी के निर्धारण कईल गईल बा। उs कहली कि एs सूची से विश्वविद्यालय अवुरी संबद्ध कॉलेज के शैक्षणिक अवुरी प्रशासनिक प्रबंधन सरल हो जाई।
इहो पढ़ीं: सबेरे-सबेरे: पाचन क्रिया होई दुरुस्त, करीं दूर इs तीन गो yoga