31 जुलाई के इतिहास, जानिए का खास बा आज के दिन देश दुनियां में
देश के स्वतंत्रता संग्राम में 31 जुलाई के दिन के खास महत्व बा। दरअसल दक्षिण अफ्रीका से लवटला के बाद महात्मा गांधी गुजरात के अहमदाबाद में साबरमती नदी के किनारे आपन आश्रम बनवले आ इहाँ के जीवन में खेती, पशुपालन आ खादी जइसन कुछ नाया प्रयोग कइले।
देश के स्वतंत्रता संग्राम में 31 जुलाई के दिन के खास महत्व बा। दरअसल दक्षिण अफ्रीका से लवटला के बाद महात्मा गांधी गुजरात के अहमदाबाद में साबरमती नदी के किनारे आपन आश्रम बनवले आ इहाँ के जीवन में खेती, पशुपालन आ खादी जइसन कुछ नाया प्रयोग कइले। एही आश्रम से महात्मा गांधी देश के स्वतंत्रता संग्राम के ताना-बाना बुने लगले। गांधीजी अंग्रेज शासन के खिलाफ कई गो जन आंदोलन के नेतृत्व कइलें आ साबरमती आश्रम सत्याग्रह आ दांडी मार्च जइसन आंदोलन के साक्षी रहलें। हालांकि गांधीजी 31 जुलाई 1933 के साबरमती आश्रम से निकल गइलन बाकिर उनकर याद आजो एह आश्रम में सुरक्षित बा ।
देश आ दुनिया के इतिहास में 31 जुलाई के तारीख के दर्ज अउरी बड़हन घटना के विवरण निम्नलिखित बा..
- 1658 : औरंगजेब अपना के मुगल सम्राट घोषित कइलें।
- 1865 : दुनिया के पहिला छोट रेल लाइन ऑस्ट्रेलिया के दक्खिन-पूरुब में स्थित क्लीवलैंड-ग्रांडचेस्टर शहर में शुरू भइल।
- 1880 : हिंदी के मशहूर कहानीकार आ उपन्यासकार प्रेमचंद के जनम।
- 1924 : मद्रास प्रेसिडेंसी क्लब रेडियो प्रसारण करावे के पहल कइलस।
- 1933 : राष्ट्रपिता महात्मा गांधी साबरमती आश्रम छोड़ दिहले।
- 1940 : स्वतंत्रता सेनानी उधम सिंह के निधन।
- 1948 : कलकत्ता में भारत में पहिला राज्य परिवहन सेवा के स्थापना।
- 1980 : हिंदी फिलिमन के महान प्लेबैक गायक मोहम्मद रफी के निधन ।
- 1982 : सोवियत संघ परमाणु परीक्षण कइलस।
- 1992 : नेपाल के राजधानी काठमांडू में थाई विमान दुर्घटनाग्रस्त, 113 लोग के मौत।
- 1993 : कलकत्ता (अब कोलकाता) में भारत के पहिला फ्लोटिंग समुद्री संग्रहालय के उद्घाटन भइल।
- 2006 : फिदेल कास्त्रो अपना भाई के सत्ता सौंप दिहलन।
- 2007 : भारतीय-अमेरिकी डाक्टर सुधीर पारिख के पॉल हैरिस अवार्ड दिहल गइल।
- 2010 : पाकिस्तान में बाढ़ के चलते 900 लोग के मौत हो गइल।