यूपी: प्रदेश में स्वाइन फ्लू के मरीज बढ़ले, डेढ़ सौ पहुंचल आंकड़ा

राज्य में 15 दिन में स्वाइन फ्लू के 15 मरीज मिलल बाड़े। अयीसना में स्वास्थ्य विभाग स्वाइन फ्लू के लक्षण देखाई देत तुरंत जांच करावे के निर्देश देले बा। 31 अगस्त ले राज्य में कुल 150 मरीज मिल चुकल बाड़े। तीन मरीज के मौत हो चुकल बा। आमतौर पs स्वाइन फ्लू के मरीज तापमान में अचानक उतार-चढ़ाव के कारण एह संपर्क में आवे लें। विदेश से आवे वाला लोग में भी एs बेमारी के खतरा बढ़ जाला, बाकीर एs साल स्वाइन फ्लू के मरीज के संख्या जारी बा। एकरा के देखत स्वास्थ्य विभाग निगरानी तंत्र के सक्रिय कs देले बा।

विभागीय रिपोर्ट के मुताबिक, 15 अगस्त ले राज्य में 135 स्वाइन फ्लू के मरीज रहले, जवन कि 31 अगस्त ले बढ़ के 150 हो गईल बा। एहमें से अधिका से अधिका 83 मरीज लखनऊ के बाड़े. मेरठ में 23, हापुड़ में 7, अन्य जिला में एक से चार मरीज मिलल बा। केजीएमयू मेडिसिन विभाग के डॉ. डी हिमांशु कहलन कि बेमारी से घबरइले के जरुरत नइखे. इलाज के एगो ठोस व्यवस्था बा। अगर आपके बोखार, खांसी, गला में खराश, बोखार आदि जईसन समस्या बा तs जरूर डॉक्टर से सलाह लीं अवुरी खुद के जांच करा लीं।