Mother’s Day 2024: हर साल मई के दूसरका संडे के ही काहें मनावल जाला मदर्स डे! 

मदर्स डे 2024 : आज के दिन दुनिया के हर महतारी के समर्पित बा। हमनी के महतारी के सम्मान में हर साल मई के दूसरा अतवार के मातृ दिवस मनावल जाला। एह साल आजु माने 12 मई के मातृ दिवस मनावल जा रहल बा। सब महतारी खातिर ई एगो खास दिन हs। हर महतारी अपना संतान के सफलता में अतुलनीय आ निस्वार्थ योगदान देले। ई दिन ओह लोग के धन्यवाद देबे के भी दिन हs. बाकिर का रउवा लोग के मालूम बा कि हमनी के मदर्स डे काहे मनावेनी जा, एकर शुरुआत कईसे भईल अवुरी हमनी के हर साल मई के दूसरा अतवार के काहे मनावेनी। आईं एह सब सवालन के जवाब आजु एह खबर के माध्यम से रउरा सभे के दे दीं.

मदर्स डे : कइसे आ कब से सुरू भइल

असल में अमेरिका में 20वीं सदी के शुरुआत में मदर्स डे के शुरुआत भइल रहे। 1907 में अमेरिका के निवासी एना जार्विस अपना दिवंगत महतारी के प्रति प्यार अवुरी सम्मान देखावे खातीर मदर्स डे के शुरुआत कईले रहली।

हर साल मई के दूसरा अतवार के मदर्स डे काहे मनावल जाला?

एना जार्विस अपना महतारी के निधन के बाद अमेरिका में मदर्स डे के मान्यता प्राप्त छुट्टी बनावे के अभियान चलवली, जवना में उs 1914 में सफल रहली। एकरा बाद 1914 में तब के यू.एस. राष्ट्रपति विल्सन मई के दुसरका अतवार के, एना के महतारी के मौत के दिन, मदर्स डे के रूप में नामित कईले, जवना के चलते इs राष्ट्रीय छुट्टी बन गईल।

मदर्स डे ग्रीक आ रोमन काल से मनावल जाला

मदर्स डे से जुड़ल एगो कहानी भी बा कि एकर जड़ प्राचीन यूनानी आ रोमन काल से शुरू होला। प्राचीन यूनानी आ रोमन लोग अपना-अपना संस्कृति के सगरी देवी-देवता के पूजा करत रहे। जानकारी के मुताबिक यूनानी अवुरी रोमन लोग मदर्स डे के महतारी देवी - रिया अवुरी साइबेल के सम्मान देवे खातीर त्योहार के रूप में मनावत रहले। रिया एगो यूनानी देवी रहली आ रोमन देवी आ देवी लोग के महतारी रहली। साइबेल एगो रोमन देवी आ माई देवी हई, इनके संबंध रिया देवी, मातृत्व आ मातृ वृत्ति से बा।